સ્પેશ્યલ રિપોર્ટ, આઝાદ ગુજરાત : ભરૂચથી એક ચોંકાવનારા સમાચાર સામે આવી રહ્યા છે. ભરૂચમાં ફરજ બજાવતા એક ક્લાસવન અધિકારીએ પોતના પાપ છુપાવવા અનેક લોકોને મોટા પ્રમાણમાં પૈસા વિતરિત કરી રહ્યા હોવાનો અહેવાલ મળી રહ્યા છે. પીએમ મોદી પણ ભરૂચ વિસ્તારની મુલાકાતે આવી રહ્યાં છે. આ બધા વચ્ચે ભરૂચથી પાલનપુર સુધી આંગડીયા દ્વારા ગુપ્ત રીતે લાખો રૂપિયા મોકલવાની માહિતી આઝાદ ગુજરાત પાસે આવી રહી છે. આ પૈસાની લેવડ-દેવડ અંગે વધારે માહિતી મેળવવા માટે આઝાદ ગુજરાતે અધિકારીનો સંપર્ક કરવાની કોશિશ કરી હતી પરંતુ તેમનો કોન્ટેક્ટ થઈ શક્યો નથી.
ભરૂચના એક ક્લાસવન અધિકારીએ કેટલાક કથિત પત્રકારોને પૈસા આપ્યા હોવાનું સામે આવ્યું છે. તે ઉપરાંત કેટલાક આરટીઆઈ એક્ટિવિસ્ટોને પણ પૈસા આપ્યા હોવાના સમાચાર છે. આ પૈસા કેમ આપવામાં આવ્યા છે? તે પ્રશ્નએ અનેક રહસ્ય ઉભા કર્યો છે. સુત્રો પાસેથી મળતી માહિતી અનુસાર, ક્લાસ વન અધિકારી પોતાની બેનામી સંપત્તિની માહિતી છૂપાવવા અને પોતાના કામમાં આચરેલી ગેરરીતિઓને બહાર ન આવે તેના કારણે પૈસા આપ્યા છે. પરંતુ ચોક્કસ રીતે તો અધિકારીની પૂછપરછ કરવામાં આવે તો જ સત્ય બહાર આવી શકે છે. આ ગંભીર મુદ્દા પર એસીબીમાં આગામી દિવસમાં ફરિયાદ પણ નોંધાઈ શકે છે.
આ પણ વાંચો- બિહારમાં તેજસ્વી યાદવ બિહાર હાર્યા ? જાણો હારના 5 મુખ્ય કારણો
આઝાદ ગુજરાતની તપાસમાં જાણવા મળ્યું છે કે, અધિકારીએ પૈસા આપ્યા છે તે બાબત તો 100 ટકા સત્ય છે. તેના પુરાવા પણ આઝાદ ગુજરાત પાસે છે. કેટલાક પત્રકારોને ઓનલાઈન પૈસા ટ્રાન્સફર કરવામાં આવ્યા છે, તો કેટલાક લોકોને આંગડીયા દ્વારા પૈસા મોકલવામાં આવ્યા છે. વિશ્વસનિય સુત્રો પાસેથી મળી રહેલી માહિતી અનુસાર, બનાસકાંઠાના મુખ્યમથક એવા પાલનપુર શહેરમાં આંગડીયા દ્વારા પૈસા મોકલવામાં આવ્યા છે.
સુત્રો પાસેથી મળી રહેલી માહિતી અનુસાર, ક્લાસવન અધિકારીએ પોતાના કામોમાં કરોડો રૂપિયાનું ભ્રષ્ટાચાર આચર્યું છે. આ ભ્રષ્ટાચાર દ્વારા બનાવેલી બેનામી સંપત્તિને બચાવવા માટે ક્લાસવન અધિકારી પત્રકારો સહિત આરટીઆઈ એક્ટિવિસ્ટોને લાખો રૂપિયા આપ્યા છે. તેથી આ કેસમાં વિગતવાર તપાસ થવી પણ જરૂરી છે. આ અંગે વધારે તપાસ માટે સરકારી એજન્સીઓ સહિત ગુજરાત ફર્સ્ટ અન્ય અહેવાલ પ્રકાશિત કરતું રહેશે.
આગામી અહેવાલમાં ભરૂચમાં એક ખાસ જગ્યા પર ફરજ બજાવતા ક્લાસવન અધિકારી અને તેમના મળતિયાનું નિવેદન સાથેનું અહેવાલ પ્રકાશિત કરશે.
આ પણ વાંચો- નવસારીના બીલીમોરામાં ચકચારી ઘટના : માતાએ બે માસૂમ બાળકોનું ગળું દબાવીને કરી હિચકારી હત્યા
