સરકારના ખોળામાં બેસીને ભ્રષ્ટાચાર કરવાની પણ કદાચ એક અલગ મજા હશે. તેથી જ તો ગાંધીનગરમાં સરકારની નાક નીચે કેટલાક ઇજનેરો ભ્રષ્ટાચાર આચરવાની પોતાની એક અલગ જ ચાલ ચાલી રહ્યાં છે. પરંતુ સરકારને અત્યાર સુધી થોડી એવી ભનક પણ લાગવા દીધી નથી.
ગુજરાતના પાટનગર ગાંધીનગરમાં બે સરકારી અમલદારશાહો પાછલા ઘણા વર્ષોથી પત્રકારો અને આરટીઆઈ એક્ટિવિસ્ટો ઉપર પોતાની મહેરબાની ન્યોછાવર કરી રહ્યા છે. હવે આ મહેરબાની કેમ ન્યોછાવર કરી રહ્યા છે, તે વિશે તો જે-તે પત્રકારો અને અધિકારીઓ પોતે જ ખુલાસો કરી શકે છે. પાછલા ઘણા સમયથી ગાંધીનગરની કેટલીક સરકારી ઇમારતોમાં બની બેસેલા પત્રકારો અને એક્ટિવસ્ટોના આંટા ફેરા વધી ગયા છે.
આ અધિકારીઓ મોટા ભાગે બાંધકામ વિભાગ સાથે જોડાયેલા છે. આ એવા વિભાગો છે, જ્યાં હજારો કરોડો રૂપિયાના વાર્ષિક કામ થતાં હોય છે. તેવામાં આવા વિભાગોમાં પત્રકારોને અને એક્ટિવિસ્ટોને કરવામાં આવતી લ્હાણી શંકાના દાયરામાં આવે છે. તેથી આવા અધિકારીઓની ગુપ્ત તપાસ જરૂરી થઈ ગઈ છે. તો એસીબી જેવી એજન્સીને તેમની તપાસ સોંપવામાં આવે તો દૂધનું દૂધ અને પાણીનું પાણી થઈ શકે છે. સુત્રો પાસેથી મળી રહેલી જાણકારી અનુસાર, જે અધિકારીઓ પત્રકારો અને આરટીઆઈ એક્ટિવિસ્ટોને સાચવી રહ્યાં છે, તેમને પાંચ-દસ કરોડ નહીં પરંતુ અનેક કરોડો રૂપિયાની પ્રોપર્ટી બનાવી લીધી છે. જો વ્યવસ્થિત રીતે તપાસ કરવામાં આવે તો મોટા પ્રમાણમાં રોકડ સાથે બીજી ઘણી બધી મિલકતોનો ખુલાસો થઈ શકે છે.
ગાંધીનગરમાં અનેક અધિકારીઓ પત્રકારો અને આરટીઆઈ એક્ટિવિસ્ટને સાચવી રહ્યાં છે. પરંતુ આ બધામાં બે ઇજનેર એવા છે, જેઓ વર્ષે લાખો રૂપિયાનું આંધણ માત્ર પોતાનું માથું બચાવવા માટે જ કરી રહ્યાં છે. ગાંધીનગરના એક બાંધકામ વિભાગમાં કામ કરતાં પટેલ અને શાહ પત્રકારોને સાચવવામાં પ્રથમ ક્રમે આવે છે. તેઓ વર્ષે દહાડે લાખો રૂપિયાની વહેંચણી કરે છે. દિવાળી જેવા દિવસોમાં તો તેઓ બિલ્ડરો કે ટેન્ડર મેળવનારા લોકો પાસે સીધી જ વહેંચણી કરાવતા હોય છે. વિશ્વસનિય સુત્રો પાસેથી મળી રહેલી માહિતી અનુસાર, પટેલ અને શાહ પોતાની વર્ષો દરમિયાનની સરકારી નોકરીમાંથી ગેરકાયદેસર રીતે અપ્રમાણસર સંપત્તિ વસાવી છે. ટૂંકમાં કહીએ તો આ બંને સરકારી અધિકારીઓ પાસે મોટા પ્રમાણમાં બેનામી સંપત્તિ છે.
રાજ્યના પાટનગર ગાંધીનગરથી જ રાજ્યભરના તમામ કામોનુ સંચાલન થાય છે. રોડ-રસ્તા સહિત સરકારી ઇમારતોના બાંધકામની જવાબદારી ગાંધીનગરમાં બેસેલા અમલદારો પાસે છે. આનો ગેરલાભ ઉઠાવીને પટેલ અને શાહ જેવા કેટલાક અધિકારીઓ પોતાના રોટલા શેકી રહ્યાં છે.
જો ઇન્કમટેક્સ કે ઈડી સહિતની એજન્સીઓને આવા ભ્રષ્ટ અધિકારીઓની સંપત્તિની તપાસ સોંપવામાં આવે તો કરોડ રૂપિયાની મિલકત હાથે લાગી શકે છે. ઉલ્લેખનિય છે કે, ગંભીર બ્રિજ અકસ્માત પછી તેના કેટલાક ઇજનેરોની મિલકતની તપાસ એસીબીને સોંપવામાં આવી છે. તેવી જ રીતે ગાંધીનગરના કેટલાક ઉંચા હોદ્દા ઉપર બેસેલા સહિત બીજે ટ્રાન્સફર થયેલા કેટલાક અધિકારીઓની મિલકતની તપાસ એસીબી પાસે કરાવવામાં આવે તો ખુબ જ મોટા પ્રમાણમાં બ્લેકમની સરકારના હાથ લાગી શકે છે.
ગાંધીનગરના સરકારી અધિકારીઓ નાનું મોટું કાંડ ક્યારેય કરતાં નથી. મલાઈદાર નોકરીની સાથે પોસ્ટ પણ સારી એવી હોય એટલે પછી શું કામ કંઈ બાકી જ રાખવું પડે? આનો જીવતો જાગતો ઉદાહરણ છે મહેશ લાંગા… ગાંધીનગર કલેક્ટર તરીકે નિવૃત થયેલાં એસ. કે. લાંગાએ હજારો કરોડ રૂપિયાનું ભ્રષ્ટાચાર આચરી નાંખ્યું હતું.
તેવી જ રીતે ગાંધીનગરમાં ફરજ નિભાવતા શાહ અને પટેલે પણ હજારો કરોડ રૂપિયાની બેનામી સંપત્તિ બનાવી હોવાની સુત્રો પાસેથી કથિત માહિતી મળી રહી છે. પોતાની બેનામી સંપત્તિની માહિતી ઉજાગર ન થાય તે માટે તો તેઓ મોટા પ્રમાણમાં પત્રકારોને પણ સાચવી રહ્યાં છે. ઇમાનદાર અધિકારી શું કરવા પત્રકારોને પૈસા આપે? ભ્રષ્ટાચારમાં ખરડાયેલો અધિકારી પોતાની ગરદન બચાવવા માટે જ અનેક રસ્તા અપનાવતો હોય છે.
આ બંને અધિકારીઓ પત્રકારોને 10-15 હજાર કે 25-30 હજાર રૂપિયા આપીને પીછો છોડાવી લઈ રહ્યા છે. દર વર્ષે એક પત્રકાર ઉપર 50 હજાર રૂપિયા જેટલો તો ખર્ચ ખરો જ.. આવા તો સંખ્યાબંધ પત્રકારોને શાહ-પટેલ સાચવી રહ્યા છે. વર્ષે દ્હાડે ઓછામાં ઓછા 15-20 લાખ રૂપિયાની લ્હાણી તો કરે છે.
ઉલ્લેખનિય છે કે, વર્તમાન સમયમાં એક પૂલ બનાવવા પાછળ 200-500 કરોડ રૂપિયાનો ખર્ચ થતો હોય છે, તે છતાં તે ટકે છે કેટલો? વધુમાં વધુ પાંચ વર્ષ.. પાંચ વર્ષમાં તો તેને દસ વખત રિપેર કરવો પડ્યો હોય છે. આની પાછળનું કારણ પટેલ અને શાહ જેવા અધિકારીઓની કોન્ટ્રાક્ટરો સાથેની મીલિભગત કરીને કરોડો રૂપિયા પોતાની તિજોરી ભેગા કરી દેતા હોય છે.
અરે ઘણા પૂલ તો જાહેર જનતા માટે ખોલવામાં આવ્યા નહોય અને તેમાં ગાબડા પડી જતાં હોય છે. રોડ બનાવ્યો હોય અને એકાદ વર્ષમાં તો ધોવાઈ પણ જાય.. આ બધા પાછળ છે મસમોટું કમિશન.. શાહ-પટેલ જેવા અધિકારીઓ કરોડો રૂપિયામાં પોતાનું કમિશન લેતા હોય છે, જ્યારે પત્રકારોને ચા-પાણીના પૈસા આપીને પતાવી દેતા હોય છે. તેથી ગુજરાતની બીજેપી સરકારે વર્તમાન સમયમાં ગાંધીનગરમાં કામ કરતાં નાના-મોટા તમામ ઇજનેરોની સંપત્તિની તપાસ કરાવવી જોઈએ.
ઉલ્લેખનિય છે કે, કેરલમાં એક 15 હજાર પગારદારી ક્લાર્ક લેવલના બાંધકામ ખાતામાં કામ કરતાં અધિકારી પાસેથી 30 કરોડ રૂપિયા રોકડા મળી આવ્યા હતા. તે ઉપરાંત, તેના પાસે 24 મકાન અને 40 એકર જમીન પણ મળી આવી હતી. આ એક ઉદાહરણ રૂપ કિસ્સો છે. તો ગાંધીનગરમાં તો દેખીતી રીતે જ બે ઇજનેરો તો વર્ષના લાખો રૂપિયા આપી પત્રકારોને આપી રહ્યાં છે. જગજાહેર વાત છે. એસીબી કે ગમે તે પોલીસની એજન્સી માત્ર એક મહિના જેવા નાના સમયગાળામાં પણ તપાસ કરીને તેમના ગેરકાયદેસર કામોને બહાર લાવી શકે છે.
તેથી સરકારે તેમની સિસ્ટમમાં થઈ રહેલા ભ્રષ્ટાચારને રોકવા માટે ભ્રષ્ટ અધિકારીઓેને નાંથવા રહ્યાં અને ઉત્તમ ઉદાહરણ બેસાડવા માટે તેમની સંપત્તિ ટાંચમાં લઈને જેલના સળીયા ગણતા કરી દેવા જોઈએ.
આ પણ વાંચો-અમદાવાદ: સરખેજ વિસ્તારમાં આવેલા ધ કબાબિસ હોટલના માલિકની દાદાગીરી, 10 રૂપિયાની કેમ્પાના 20 રૂપિયા
