- અલિસબ્રિજ પોલીસ સ્ટેશનની હદ્દમાં ક્રિકેટ સટ્ટામાં તોડકાંડ, ત્રણ લાખ માટે મગજમારી
અલિસબ્રિજ પોલીસ સ્ટેશનની હદ્દમાં અને ગુજરાત કોલેજ પાસે એક ક્રિકેટ સટ્ટાનું તોડ કરવામાં આવ્યું હતું. વહીવટદાર તરીકે કામ કરતાં મહેન્દ્ર અને વિપુલ નામના પોલીસ કર્મચારીઓએ તોડકાંડને અંજામ આપ્યું હતું. પરંતુ બુકી અને તેમના વચ્ચે પૈસાને લઈને મગજમારી થઈ ગઈ હતી. જણાવી દઈએ કે, આ બંને વહીવટદારોએ ગુનો ન નોંધવાના પૈસાની માંગણી કરી હતી.
આ તોડકાંડ વખતે મહેન્દ્ર અને વિપુલે બૂકી પાસેથી ચાર લાખ રૂપિયાની માંગણી કરવામાં આવી હતી. પરંતુ સ્થળ ઉપર પૈસા ન હોવાથી મૌલિક નામના બુકીએ એક લાખ રૂપિયાની રોકડ આપી હતી. જ્યારે ત્રણ લાખ રૂપિયાનો હવાલો કરાવી આપવાની બાંહેધરી આપી હતી.
જોકે, હવાલો સમયસર પૂરો ન થતાં વિપુલ અને મહેન્દ્રનો પિત્તો ગયો હતો. તોડકાંડના બે દિવસ પછી બીજા ત્રણ લાખ રૂપિયા ન મળતા બંને ઉશ્કેરાઈ ગયા હતા અને બુકીને ફસાવી દેવાની ધમકી આપીને પૈસાની પઠાણી ઉઘરાણી કરી હતી. પરંતુ મૌલિક પાસે પૈસાની સગવડ ન થઈ હોવાથી તે માત્ર હાથ જોડતો રહ્યો હતો.
હવે તે જોવાનું રહ્યું કે, બંને પોલીસ કર્મચારીઓ બુકી એવા મૌલિકને અન્ય કેસમાં ફસાવે છે કે, ક્રિકેટ સટ્ટાને લઈને બીજી વખત તેની ધરપકજ કરે છે. જોકે, એક લાખની તો તેઓ ડકાર લઈ ચૂક્યા છે. તેથી આગામી સમયમાં ખ્યાલ આવશે કે તોડકાંડ પછીની મગજમારીનું શું પરિણામ આવે છે?
