અમદાવાદ: અમદાવાદના સરખેજ વિસ્તારમાં આવેલા અલબૂર્ઝ પાસે આવેલા રહેણાંક વિસ્તારમાં બનાવેલી ધ કબાબિસ હોટલે સરકારના તમામ રીતના ધારાધોરણોને માનવાનો ઈન્કાર કરી દીધો છે. આ હોટલમાં નોનવેજની તમામ પ્રકારની આઈટમોનું વેચાણ કરવામાં આવે છે, તેની સાથે-સાથે કોલ્ડ્રીંગનું પણ વેચાણ કરવામાં આવે છે. જોકે, આ કોલ્ડ્રીંક્સના ભાવ ડબલ લેવામાં આવી રહ્યાં છે.
હાલમાં માર્કેટમાં વેચાતી 10 રૂપિયાની કેમ્પા કોલાના રેસ્ટોન્ટ માલિક 20 રૂપિયા લઈ રહ્યો છે. જ્યારે એક ગ્રાહકે કહ્યું કે, આ કેમ્પા કોલાના તો દસ રૂપિયા જ થાય અને તેના ઉપર તેની કિંમત પણ દસ રૂપિયા લખેલી છે. તો માલિકે જવાબ આપતા કહ્યું કે, અમે તો 20 રૂપિયા જ લઈએ છીએ અને 20 રૂપિયા જ આપવા પડશે, થાય તે કરી લેજો. જ્યાં કહેવું હોય ત્યાં કહી દેજો, જે તોડવું હોય તે તોડી લેજો, હું કોઈના ય બાપથી ડરતો નથી.
રેસ્ટોન્ટ માલિકે ગ્રાહક પાસેથી 20 રૂપિયા તો લીધા પરંતુ સાથે-સાથે દાદાગીરી કરતાં કહ્યું કે, તુમ મેરે કો પહેચાનતે નહીં હો.. તુમ્હારે જેસે તો બહુત આ કે ચલે ગયે… ઉલ્લેખનિય છે કે, સરખેજ વિસ્તારમાં નોનવેજની અસંખ્યા હોટલો શરૂ થઈ ગઈ છે. નોનવેજના શોખીન લોકો શહેરભરમાંથી અહીં જમવા માટે આવતા હોય છે. તેવામાં ધ કબાબિસ જેવા લેભાગુ હોટલ માલિકોએ તેમને ખુલ્લમખુલ્લી રીતે લૂંટવાનું ચાલું કર્યું છે.
તો ધ કબાલિસના માલિકને તો કાયદાનો પણ ડર રહ્યો નથી. ગ્રાહક સુરક્ષા જેવી એજન્સીઓનો પણ ડર રાખ્યા વગર તેઓ વસ્તુની મૂળ કિંમત કરતાં ડબલ પૈસાની વસૂલાત કરીને ગ્રાહકોને લૂંટવાનું ચાલું કર્યું છે. તો ગ્રાહકોને બિલ પણ પાકું આપવામાં આવતું નથી. માત્ર કાગળ ઉપર હાથથી લખીને આપી દેવામાં આવે છે.
તેથી હોટલના કાયદાકીય ધોરણે રજિસ્ટ્રેશન સહિતની તમામ પ્રક્રિયાને લઈને પણ પ્રશ્ન ઉભા થઈ રહ્યાં છે. પોલીસ વેરિફિકેશન અને તેની એનઓસી પણ હોટલ પાસે છે કે નહીં, તે પણ યક્ષ પ્રશ્ન છે. ધ કબાબિસ પાસે ફાયર સેફ્ટીના સાધનો પણ દેખવા મળી રહ્યાં નથી, તેવામાં ગ્રાહકો સાથે દાદાગીરી કરવાની સાથે-સાથે તેમના જીવને પણ જોખમમાં મૂકવામાં આવી રહ્યાં છે.
હોટલ માટે ફાયર સેફ્ટી લાઇસન્સ આવશ્યકતા છે. આગની સલામતીના ધોરણોનું પાલન કરવા માટે તે લેવું જરૂરી છે. આ લાઇસન્સ વગર રેસ્ટોરન્ટ ચલાવવું ગેરકાયદેસર છે. આ એનએનઓસી લેવા માટે બિલ્ડીંગના લેઆઉટથી લઈને ફાયર સેફ્ટી ઇક્વિપમેન્ટ, ઇલેક્ટ્રિકલ સિસ્ટમનું સ્ટ્રક્ચર ઓડિટ સહિતની તમામ વિગતો આપવી પડે છે. તે પછી નો-એબ્જેક્શન સર્ટિફિકેટ (NOC) ફાયર ડિપાર્ટમેન્ટ આપતી હોય છે.
તો હવે પ્રશ્ન ઉભા થઈ રહ્યાં છે કે શું ધ કબાબિસ હોટલ પાસે સરકારના ધારાધોરણ પ્રમાણે હોટલ ચલાવવાના તમામ રીતના જરૂરી દસ્તાવેજ છે કે પછી દાદાગીરી ઉપર જ હોટલ શરૂ કરી દીધી છે?
રહેણાક વિસ્તારમાં રેસ્ટોરન્ટ ખોલવા માટે નીચેના લાઇસન્સ અને દસ્તાવેજોની જરૂર પડે છે. તો શું ધ કબાબિસ પાસે નીચે પ્રમાણેના તમામ દસ્તાવેજ છે ખરા?
- FSSAI લાઇસન્સ: ખાદ્ય સુરક્ષા માટે.
- હેલ્થ/ટ્રેડ લાઇસન્સ: સ્થાનિક મ્યુનિસિપલ કોર્પોરેશન (જેમ કે AMC) પાસેથી.
- ફાયર સેફ્ટી NOC: રહેણાક વિસ્તારમાં આગની સલામતીના નિયમોનું પાલન કરવું જરૂરી છે.
- ઇટિંગ હાઉસ લાઇસન્સ: ખોરાક પીરસવા માટે પોલીસ વિભાગ પાસેથી (ખાસ કરીને મોટા શહેરોમાં).
- શોપ એન્ડ એસ્ટાબ્લિશમેન્ટ લાઇસન્સ: રાજ્યના શ્રમ વિભાગ પાસેથી.
- સાઇનેજ લાઇસન્સ: રેસ્ટોરન્ટના સાઇનબોર્ડ માટે.
- ઝોનિંગ NOC: રહેણાક વિસ્તારમાં વ્યવસાય ચલાવવા માટે સ્થાનિક ઓથોરિટી પાસેથી.
- પ્રોપર્ટી ઓનરની NOC: જો પ્રોપર્ટી ભાડે લીધેલી હોય, તો મકાનમાલિક પાસે
રહેણાક વિસ્તારમાં ચોક્કસ શરતોઅવાજ અને પ્રદૂષણ નિયંત્રણ:
રહેણાક વિસ્તારમાં રેસ્ટોરન્ટ ખોલવાથી અવાજ (જેમ કે સંગીત) અને રસોડાના ધુમાડા/ગંધથી રહેવાસીઓને ખલેલ ન પહોંચે તેનું ધ્યાન રાખવું જોઈએ. આ માટે ચીમની અને વેન્ટિલેશન સિસ્ટમ ઇન્સ્ટોલ કરવી પડી શકે છે.
પાર્કિંગ: ગ્રાહકો માટે પૂરતી પાર્કિંગ વ્યવસ્થા હોવી જોઈએ, કારણ કે રહેણાક વિસ્તારોમાં પાર્કિંગની સમસ્યા ઊભી થઈ શકે છે.
સમયની મર્યાદા: કેટલાક રહેણાક વિસ્તારોમાં રેસ્ટોરન્ટના ઓપરેશનના સમય પર પ્રતિબંધ હોઈ શકે છે (જેમ કે રાત્રે 11 વાગ્યા પછી બંધ).
RWAની મંજૂરી: જો રેસ્ટોરન્ટ હાઉસિંગ સોસાયટીમાં હોય, તો રેસિડેન્ટ વેલ્ફેર એસોસિએશન (RWA)ની મંજૂરી જરૂરી હોઈ શકે છે.
પોલીસ વેરિફિકેશન અને NOC આવશ્યકતા: હોટલ/રેસ્ટોરન્ટના કર્મચારીઓનું પોલીસ વેરિફિકેશન અને MHA (Ministry of Home Affairs) પાસેથી NOC.
- કર્મચારીઓના આઈડેન્ટિટી અને એડ્રેસ પ્રૂફ
- ઓનરની વિગતો
- રેસ્ટોરન્ટનું રજિસ્ટ્રેશન અને લાઇસન્સની નકલ
તો જણાવી દઈએ કે, ધ કબાબિસ હોટલ સરકારના તમામ નિયમોનો છડેચોક ઉલ્લંઘન કરી રહ્યું છે તો એએમસી સહિતની તમામ સરકારી એજન્સીઓ મૂક પ્રેશક બનીને જોઈ રહી છે. રહેણાક વિસ્તાર હોવા છતાં રાતના બેથી ત્રણ વાગ્યા સુધી ધ કબાબિસ ધમધમતી રહેતી હોવા છતાં પોલીસ પણ આંટાફેરા કરીને જતી રહેતી હોય છે.
ધ કબાબિસ હોટલ માટે ન તો કોઈ કાયદો છે ન કોઈ ધોરણ.. જે પણ ગ્રાહક હોટલમાં આવે છે તેના સાથે સ્પષ્ટ રીતે અન્યાય થઈ રહ્યો છે. તો સરકારી એજન્સીઓએ બિલાડીની ટોપીની જેમ ફૂટી નિકળેલી હોટલો અને તેમના માલિકોને કાયદાનો ભાન કરાવવો રહ્યો. નહીંતર જનતા લૂટાતી રહેશે અને ફાંકડા બનેલા હોટલ માલિકો કાયદાઓને ગોળીને પી જશે.
આ પણ વાંચો- બનાસકાંઠા/મેપડા કેસ: શિક્ષણ તંત્રની રહેમનજર હેઠળ બાળકોના ન્યાયની ઉડાડી મજાક
