પાલનપુર : બનાસકાંઠાના પાલનપુરમાં સબસબીડીવાળી લોન અપાવવાના નામે ખેડૂતો અને સામાન્ય લોકો સાથે છેતરપિંડી કરતી ગેંગનો આઝાદ ગુજરાતે પોતાના અગાઉના બે આર્ટિકલમાં ખુલાસો કર્યો છે. આ ગેંગમાં અનેક લોકો જોડાયેલા હોવાનું જાણવા મળ્યું છે. જોકે, અત્યાર સુધીમાં માત્ર ચારથી પાંચ લોકોના જ નામ સામે આવી શક્યા છે. આ ગેંગ વિરૂદ્ધ સિદ્ધપુર પોલીસ સ્ટેશનમાં એક જાણવા જોગ અરજી પણ થઈ હોવાનું સામે આવ્યું છે. તો અન્ય એક અરજી પણ બનાસકાંઠાના એક તાલુકામાં થઈ હોવાની માહિતી સામે આવી છે. તે અંગે સોમવારે FIR થવાની શક્યતા છે.
હવે આ ગેંગના મુખ્ય સુત્રધાર એવા વિજય બળવંત ભાઈ વાલમીયા વિશે માહિતી સામે આવી રહી છે. મળી રહેલી માહિતી અનુસાર, વિજય વાલમીયા ગેંગનો મુખ્ય સુત્રધાર છે. જે બનાસકાંઠાના પાલનપુરના ઘોડિયાલ ગામનો વતની છે. જે પોતાને બીજેપીનો કાર્યકર્તા ગણાવે છે. આ ગેંગનો બીજા નંબરનો મુખ્ય વ્યક્તિ ધવલ પરમાર છે. જે બનાસકાંઠાના વડગામ તાલુકાના કાલેડા ગામનો વતની છે. જે ગામ મુક્તેશ્વર ડેમની આસપાસ કે નજીક આવેલ છે. તે ઉપરાંત તેમના હાથ નીચે કિરણ સહિતના અનેક લોકો કામ કરતાં હોવાની માહિતી મળી રહી છે.
અપડેટ- પાલનપુર પશ્ચિમ પોલીસ સ્ટેશનના પીઆઈ પાસે ઠગ ટોળકીનો કેસ પહોંચ્યો હતો. એક વડગામનો પીડિતે પાલનપુર પશ્ચિમ પોલીસ સ્ટેશનમાં અરજી કરી હતી. આ બાબતે પોલીસે તપાસ કરતાં જાણવા મળ્યું હતુ કે ખેડૂતને વિશ્વાસમાં લઈને તેના સાથે છેતરપિંડી કરવામાં આવી હતી. વડગામના ખેડૂત પાસેથી સાડા ત્રણ લાખ રૂપિયા પડાવવવામાં આવ્યા હોવાનું સામે આવ્યુું હતું. તેથી વિજય-ધવલ સહિતના ષડયંત્રકારીઓને પોલીસ સ્ટેશન બોલાવવામાં આવ્યા હતા. જ્યાં તેમને પીડિત ખેડૂતના પૈસા પરત આપવાની બાહેંધરી આપી હતી. આ કેસમાં પીઆઈ પોતે વચ્ચે રહ્યાં હોવાના સમાચાર સામે આવી રહ્યાં છે. આ કેસમાં ષડયંત્રકારીઓને અડધા પૈસા પરત કર્યા છે તો અડધા આગામી દિવસોમાં કરવાનો વાયદો કર્યો છે. તે ઉપરાંત સિદ્ધપુરના પીડિતને કિરણ પરમાર દ્વારા આપેલો ચેક બાઉન્સ થઈ ગયો છે. સિદ્ધપુરના પીડિત સાથે પણ દોઢ લાખ રૂપિયાની લોન આપવાના નામે છેતરપિંડી કરવામાં આવેલી છે. તો હવે કિરણ પરમારને પણ પાલનપુર પશ્ચિમ પોલીસ સ્ટેશનનો સંપર્ક સાંધવો રહ્યો. ખરેખર તો પીઆઈ ગોહિલે પોતાના પોલીસ ચક્રો ગતિમાન કરીને અથવા આ ગેંગ સામે એફઆઈઆર નોંધીને વધારે માહિતી કઢાવવી જોઈતી હતી. કેમ કે આ ગેંગ દ્વારા બનાસકાંઠા પંથકમાં મોટા પ્રમાણમાં સબસીડીવાળી લોનના નામે છેતરપિંડી આચરી હોવાની માહિતી સામે આવી રહી છે.
આ ગેંગમાં ગુનાહિત પૃષ્ઠભૂમિ ધરાવતા લોકો જોડાયેલા છે. તો આ બધાને બચાવવા માટે એક કથિત પત્રકાર પણ ભૂમિકા ભજવી રહ્યો છે. આમ આ તમામ લોકો મેળાપીપણામાં કામ કરીને લોકો સાથે છેતરપિંડી કરી રહ્યાં છે. છેતરપિંડી કરતી ટોળકીમાં સાઈબર ક્રાઈમ સાથે જોડાયેલા કેટલાક વ્યક્તિઓ પણ મહત્વપૂર્ણ ભૂમિકા ભજવી રહ્યાં છે.
આ ગેંગ વિશે મળી રહેલી ચોંકાવનારી માહિતી એવી છે કે, વિજય પોતાને બીજેપીનો કાર્યકર્તા ગણાવી રહ્યો છે. જે લોકો સાથે છેતરપિંડી થઈ છે, તેમના પાસે તેનો મોબાઈલ નંબર છે, તેમાં તેના વોટ્સએપના પ્રોફાઈલમાં પીએમ નરેન્દ્ર મોદીનો ફોટો મૂકેલો છે, તો ફેસબુકમાં શંકર ચૌધરીનો ફોટો મૂકેલો છે. તે ઉપરાંત ફેસબુકની આઈડી ચેક કરવામાં આવી તો જાણવા મળ્યું કે, તે પોતાની બીજેપી કાર્યકર્તા તરીકેની ઓળખ આપે છે.
તે ઉપરાંત પોલીસ સાથે ખુબ જ નજીકનો ઘરોબો હોય તેવા અન્ય ફોટો શેર કરવામાં આવેલા છે.
ખાસ વાત તે છે કે, આ લોકો ખેડૂતો સાથે સબસીડીવાળી લોન અપાવવાના નામે છેતરપિંડી કરતાં હોય છે. તેઓ પોતાની મેઈન ઓફિસ ગાંધીનગરમાં હોવાની વાત કરે છે. તો કેટલાક પીડિત લોકોને ગાંધીનગર પણ બોલાવતા હોય છે.
ચોર કોટવાલ કો ડાટે તે કહેવત આ ઠગ ટોળકીએ સાર્થક કરી છે. જ્યારે સિદ્ધપુરના એક ગરીબ વ્યક્તિએ આ લોકો સામે પોલીસમાં અરજી કરી તો પહેલા તો તેને ડરાવવા માટે એક્રોસિટીનો કેસ લગાવવાની ધમકી આપવામાં આવી હતી. પરંતુ મીડિયામાં તેમના સમાચાર આવતા તેમને પૈસા પરત કરવાની વાત કરીને સમાધાન કરી લેવાની વાત કરી હતી. જોકે, સમાધાન કરતી વખતે પણ પોતાની છેતરપિંડી કરવાનો સ્વભાવ છોડી શક્યા નહતા.
જ્યારે સમાધાન કરવા ગયા ત્યારે તેઓ ઓનલાઈન 30 હજાર રૂપિયા પીડિત વ્યક્તિને ગૂગલ પે કરવામાં આવ્યા પરંતુ તે પૈસા પીડિત વ્યક્તિના એકાઉન્ટમાં ગયા નહતા. જ્યારે પીડિત વ્યક્તિએ પોતાના બેંકમાં તપાસ કરી ત્યારે તેને ખ્યાલ આવ્યો કે પૈસા આવ્યા નથી કે પૈસા આવ્યાની કોઈ એન્ટ્રી પણ પડી નહતી. આમ બીજી વખત તેના સાથે છેતરપિંડી કરવાની કોશિશ કરી હતી. તો 50 હજાર રૂપિયાનો ચેક આપ્યો હતો. આ દરમિયાન તેમને એક લખાણ પણ લખાવ્યું કે, અમે તમને તમારા પૈસા પરત આપી દીધા છે, તે લખાણ ઉપર સહી કરવાનું કહ્યું પરંતુ પહેલાથી છેતરાયેલો પીડિત આ વખતે સાવચેત થઈ ગયો અને તેને લખાણ ઉપર સહીં કરી નહીં.
પીડિતને કહેવામાં આવ્યું કે, તમે પહેલા લખાણ ઉપર સહીં કરો પછી અમે પણ તેના ઉપર સહી કરીને તમને એક કોપી આપીશું. પરંતુ પીડિતને દાળમાં કંઈક કાળું લાગતા તેમને પણ લખાણ ઉપર સહી કરવાની જગ્યાએ લખાણ પોતાની સાથે લઈને નિકળી જવામાં સમજદારી સમજી હતી. પાછળથી બેંકમાં તપાસ કરવામાં આવી તો ઓનલાઈને ટ્રાન્જેક્શન કરેલા પૈસા પણ બેંક એકાઉન્ટમાં આવ્યા નહતા. આમ માત્ર ખોટી રીતે ખાતામાં પૈસા નાંખવાની ટ્રિક અપનાવીને બીજી વખત છેતરપિંડી કરવાની કોશિશ કરી હતી.
તો અન્ય એવી પણ માહિતી મળી રહી છે કે, આ લોકોએ ખેડૂતોનો ડેટા ખરીદ્યો છે. આ ખેડૂતોને ફોન કરીને સબસીડીવાળી લોન આપવાની લાલચ આપીને તેમના સાથે આગામી સમયમાં મોટા પ્રમાણમાં છેતરપિંડી આચરવાનો પ્લાન બનાવવામાં આવ્યો છે. આ માટે તેમણે કોલ કરવા માટે મહિલા કર્મચારીઓને પણ રાખી હોવાની કથિત માહિતી સામે આવી રહી છે. જોકે, તે એક તપાસનો વિષય છે.
જણાવી દઈએ કે, માત્ર ત્રણ લોકો પાસેથી જ ઠગ ટોળકીએ સાડા સાત લાખ રૂપિયાની છેતરપિંડી કરી હોવાની માહિતી સામે આવી રહી છે. તો વિચાર કરો કે બીજા એવા કેટલા લોકો છે, જેમના ડેટા બહાર આવી શક્યા નથી. જો યોગ્ય તપાસ કરવામાં આવે તો અનેક લોકો સાથે છેતરપિંડી કરી હોવાની માહિતી સામે આવી શકે છે. કેટલાક પીડિતોએ તેમના સાથે થયેલી છેતરપિંડીના કેટલાક સ્ક્રિન શોર્ટ મોકલાવ્યા છે, જે આગળ સ્ટોરીમાં પબ્લિશ કરેલા છે.
ગેંગમાં મુખ્ય ભૂમિકા ભજવતા લોકોમાં વિજય પરમાર, ધવલ પરમાર, કિરણ પરમાર છે. જેઓ પીડિત સાથે કોન્ટેક્ટમાં રહીને વિવિધ રીતે તેમના પાસેથી પૈસા પડાવતા હોય છે. કિરણ પરમાર ખેડૂતોના ખેતરમાં કે ઘરો ઉપર વિઝિટ કરવાના બહાને જઈને તેમના પાસેથી વિઝીટના પૈસા પણ પડાવતો હોય છે.
સૌથી મહત્વપૂર્ણ બાબત તે છે કે, મુખ્ય કર્તાહર્તા એવો વિજય પરમાર બીજેપી સાથે ખરેખર જોડાયેલો છે કે માત્ર પોતાના શિકારને ડરાવવા માટે તેને બીજેપીનો મુખોટો પહોર્યો છે, તે તપાસનો વિષય છે. તો બીજેપીના નામે ચરી ખાવાનો ધંધો બનાવીને કરી રહેલા ગેરકાયદેસર કામોમાં વધુ એક ગેરકાયદેસર કામ કરી રહ્યો છે. જોકે, તેઓ ભૂલે છે કે, કાયદો સર્વોપરિ છે. તેથી જ તો અનેક બીજેપીના કાર્યકર્તાઓ હોવા છતાં અને બીજેપી સાથે જોડાયેલા અને સારા પદો ઉપર હોવા છતાં ગેરકાયદેસર કામ કરતાં પકડાઈ ચૂક્યા છે, જેઓ જેલના સળીયા ગણી રહ્યાં છે. સૌથી મોટું ઉદાહરણ પૂર્વ વડાપ્રધાન એચડી દેવ ગૌડાનો પુત્ર પ્રજ્વલ રેવન્ના છે, જેને કોર્ટે આજીવન કેદની સજા સંભળાવી છે.
આઝાદ ગુજરાતના પત્રકારને બ્લેકમેઈલ કરવાની કોશિશ
આઝાદ ગુજરાતે પાછલા સમયમાં બનાસકાંઠાના પાલનપુરમાં લોકો સાથે લોનના નામે છેતરપિંડી કરતી એક ગેંગ વિશે ખુલાસો કર્યો હતો. આ વચ્ચે આઝાદ ગુજરાતને લેવડ દેવડ કરીને સ્ટોરી ન લખવા માટે એક કથિત પત્રકારનો ફોન આવે છે. સ્ટોરી ન લખવા માટે વ્યવહાર કરવાનું કહે છે. આઝાદ ગુજરાતને આશંકા હતી જ કે આ ઠગ લોકોએ કથિત પત્રકાર પાસે કોલ રેકોર્ડ કરીને બ્લેકમેઈલ કરવા માટે જ ફોન કરાવ્યો છે. સામાન્ય કોલ રેકોર્ડ થઈ થાય તે સ્વભાવિક બાબત છે અને કોઈ પત્રકારને કોઈ પાસે પૈસા માંગવા હોય તો સામાન્ય કોલ ઉપર વાત ન કરે, તેનો ખ્યાલ તો હોય જ છે. તો બીજી તરફ ભારતીય કાયદાનું જ્ઞાન જેટલું આઝાદ ગુજરાત પાસે હતું તેટલું કદાચ ઠગ ટોળકી પાસે નહતું.
તેથી તેમને કોલ રેકોર્ડ કરીને બ્લેકમેઈલ કરવાની વાત કરી છે. જોકે આઝાદ ગુજરાતની સ્ટ્રીંગ કરવાના પ્લાનને નિષ્ફળતા મળી છે, તેનો અફસોસ છે. જોકે, આ વચ્ચે કથિત પત્રકારે ફોન કરીને કહ્યું કે, તમે પૈસા માંગ્યા છે, તેનું રેકોર્ડિંગ મારા પાસે છે, તે શબ્દો કહીને આઝાદ ગુજરાતના પત્રકારને બ્લેકમેઈલ કરવાનું ચાલું કર્યું. પરંતુ કદાચ પત્રકાર બનીને ફરતાં ડિગી વગરના પત્રકારને કદાચ ભારતીય કાયદાની જાણકારી નથી. પરંતુ આ વચ્ચે તેને પોતાના શિકાર બનેવાલે ગાંધીનગરના એક ઇજનેરનું નામ પણ બોલી જાય છે. જે ઇજનેર પાસે તે રેગ્યુલર પૈસા લેવા માટે જાય છે, તેના વિશે ક્યારેક વિગતવાર વાત કરીશું…
જણાવી દઈએ કે, ભારતમાં પરવાનગી વગર કોલ રેકોર્ડ કરવું એ ગોપનીયતાના અધિકારનું ઉલ્લંઘન ગણાય છે અને તે ગેરકાયદેસર છે. આ મુદ્દો ભારતીય બંધારણની કલમ 21 (જીવન અને વ્યક્તિગત સ્વતંત્રતાનો અધિકાર) હેઠળ ગોપનીયતાના અધિકાર સાથે સંબંધિત છે. ઉપરાંત, ભારતીય દંડ સંહિતા (IPC) અને ઇન્ફોર્મેશન ટેકનોલોજી એક્ટ (IT Act), 2000 હેઠળ આવા કૃત્યો ગુનો ગણાય છે.
ભારતીય પુરાવા બિલ, 2023 હેઠળ ઇલેક્ટ્રોનિક રેકોર્ડ્સ, જેમ કે કોલ રેકોર્ડિંગ, પુરાવા તરીકે ઉપયોગમાં લઈ શકાય પરંતુ તે માટે બંને પક્ષોની સંમતિ જરૂરી છે. પરવાનગી વગરનું રેકોર્ડિંગ કોર્ટમાં સ્વીકારાતું નથી.
નીચે મુખ્ય જોગવાઈઓ અને સજાની વિગતો આપેલી છે.
- IT એક્ટ, કલમ 66E: 3 વર્ષ સુધીની જેલ અથવા ₹2 લાખ સુધીનો દંડ, અથવા બંને.
- IT એક્ટ, કલમ 72: 2 વર્ષ સુધીની જેલ અથવા ₹1 લાખ સુધીનો દંડ, અથવા બંને.
- IPC કલમ 354D: પ્રથમ ગુના માટે 3 વર્ષ સુધીની જેલ અને દંડ; બીજી વખત ગુનો કરવા પર 5 વર્ષ સુધીની જેલ અને દંડ.
IPC કલમ 500 (માનહાનિ): 2 વર્ષ સુધીની જેલ અથવા દંડ, અથવા બંને.
કોલ રેકોર્ડિંગ ક્યારે કાયદેસર છે?
- જ્યારે બંને પક્ષો રેકોર્ડિંગ માટે સંમત હોય.
- સરકારી એજન્સીઓ દ્વારા, કાયદેસરની પરવાનગી (જેમ કે ઓથોરિટીની મંજૂરી) સાથે, રાષ્ટ્રીય સુરક્ષા અથવા તપાસના હેતુથી
જે વ્યક્તિ બનાસકાંઠાના ખેડૂતો અને સામાન્ય લોકોને ચૂનો લગાવી રહ્યાં છે, તેમની હિંમત તો જૂઓ ગેરકાયદેસર કામ કરતા હોવા છતાં પત્રકારોને પણ બ્લેકમેઈલ કરી રહ્યાં છે. તેથી વિચારવાનું રહ્યું કે, આ ઠગ ટોળકી સામાન્ય લોકો સાથે કેવો વ્યવહાર કરતી હશે. એક પીડિતે ફોન કરીને કહ્યું હતુ કે, મારા સાથે છેતરપિંડી કરવામાં આવી છે અને ઉપરથી મારા ઉપર જ એક્રોસિટીનો કેસ દાખલ કરવાની વાત કરી રહ્યાં છે. આમ સામાન્ય લોકો સાથે પહેલા છેતરપિંડી કરવામાં આવે છે અને પાછળથી તેમને જ કાયદાની ચૂંગલમાં ફસાવી દેવાની ધમકી આપવામાં આવે છે, તો અન્ય એક પીડિતે જણાવ્યું કે, અમારા સાથે છેતરપિંડી કરનારાઓને કાયદાનો કોઈ ડર જ રહ્યો નથી, તેઓ તો કહે છે કે, અમે તો કોર્ટમાંથી જામીન લઈને છૂટી જઈશું, અમારી પહોંચ ઉપર સુધી છે. જો તેઓ એક મીડિયાને બ્લેકમેઈલ કરી શકતા હોય તો વિચારો કે તેઓ સામાન્ય વ્યક્તિ સાથે કેવો વ્યવહાર કરતાં હશે. પરંતુ તેઓ કાયદાથી બચી શકે નહીં. સૌથી ઉપર કાયદો છે, જે તમામને લાગું પડે છે.
આ પણ વાંચો- પાલનપુરમાં લોન આપવાના નામે છેતરપિંડી કરતી ગેંગ સક્રિય; ખેડૂત પાસેથી પડાવ્યા લાખો રૂપિયા
સર્વ સામાન્ય બાબત અને સામાન્ય સમજની વાત તે છે કે, આઝાદ ગુજરાતને તોડપાણી જ કરવું હોત તો પહેલા જ ઠગ ટોળકીના નામ પ્રસારિત કર્યા નહોત.. હાલમાં માર્કેટમાં અનેક મીડિયા પ્લેટફોર્મ વ્યક્તિગત નામ કે સંસ્થાના નામ પ્રકાશિત કર્યા વગરની સ્ટોરી પબ્લિશ કરવાનો ટ્રેંડ જોવા મળી રહ્યો છે. તે પાછળની મંશા આરોપીને હિંટ આપીને તેમના પાસેથી કામ કઢાવવાનું હોય છે. જોકે, આઝાદ ગુજરાત તો ઠગ ટોળકીના તમામ સભ્યોના નામ પ્રકાશિત કરી ચૂક્યું છે. તો આગળ પણ વધુ નામ સામે આવશે તેમ પ્રકાશિત કરતું રહેશે. જોકે, પાલનપુરના કથિત પત્રકારના મગજમાં આ વાત પાછળથી આવી અને તેને કહ્યું પણ ખરૂં કે તમે તો સ્ટોરી લખી નાંખી છે તો હવે તમને એક રૂપિયા નહીં મળે.. અરે ગાંડા તો પછી શું કરવા પૈસાની ઓફર આપે છે.. અમે તો પહેલાથી જ બધુ સાચું સાચું લખીને બેસ્યા છીએ.. પૈસા જ લેવા હોત તો શું કરવા નામ લખતા અને શું કરવા સામાન્ય કોલ ઉપર વાત કરતાં.. પરંતુ અમારે તો તમારી મંશા જાણવી હતી. જે બહાર આવી ગઈ છે. સ્વભાવ પ્રમાણે છેતરપિંડી અને બ્લેકમેઈલિંગ…
દેશમાં છેતરપિંડીના કેસોમાં ધરખમ વધારો થયો છે. ઓનલાઈન છેતરપિંડીથી લઈને સાઈબર ક્રાઈમ સહિતની ગુનાહિત પ્રવૃત્તિઓ વધી રહી છે. તો બીજી એક પેટન્ટમાં આરોપીઓ પોતાનો સ્વ-બચાવ કરવા અને સામાવાળા ઉપર પ્રભાવ પાડવા માટે સત્તાધારી પાર્ટી એવી બીજેપીના નામનો પણ ઉપયોગ કરી રહ્યાં છે. આમ દરેક ચોરની મોડસ ઓપરેન્ડી વિવિધ હોય છે, તેવી રીતે ઓનલાઈન કે ઓફલાઈન છેતરપિંડી કરતી ગેંગ પણ વિવિધ રીતે પોતાનો બચાવ કરવા માટે ટેકનિંક અપનાવતી હોય છે. તો પાલનપુરની ગેંગનો એક સભ્ય પોતાને બીજેપીનો કાર્યકર્તા ગણાવીને લોકો સાથે લોન આપવાના નામે છેતરપિંડી કરી રહ્યો છે. તેની મોડસ ઓપરેન્ડી જ છે કે બીજેપીના નામે પહેલા લોકો ઉપર પોતાનો પ્રભાવ ઉભો કરો અને છેતરપિંડી કરીને બીજેપી સાથે જોડાયેલો હોવાનું કહીને લોકોને ડરાવો-ધમકાવો અને બચી જાઓ.
કોઈપણ પક્ષના પ્રતીકનો દુરૂપયોગ ગેરકાયદેસર
ભારતમાં જો કોઈ વ્યક્તિ બીજેપી (ભારતીય જનતા પાર્ટી)ના કાર્યકર્તા તરીકે ડોળ કરીને લોકો સાથે છેતરપિંડી કરે અને પક્ષના નામ અથવા પ્રતીકનો દુરુપયોગ કરે તો આવા કૃત્યો ગેરકાયદેસર છે અને વિવિધ કાનૂની જોગવાઈઓને આવરી લે છે. તેની સામે નીચેના કાયદાઓ હેઠળ કાર્યવાહી થઈ શકે છે.
લાગુ પડતી કાયદાકીય જોગવાઈઓ
ભારતીય દંડ સંહિતા (IPC) / ભારતીય ન્યાય સંહિતા (BNS): કલમ 415/318 (છેતરપિંડી): જો કોઈ વ્યક્તિ ખોટી રજૂઆત કરીને લોકોને છેતરે અને આર્થિક કે અન્ય નુકસાન પહોંચાડે, તો આ કલમ લાગુ પડે છે.સજા: 7 વર્ષ સુધીની જેલ અથવા દંડ, અથવા બંને.
કલમ 416/319 (છેતરપિંડી માટે ઓળખનો ઢોંગ): બીજેપી કાર્યકર્તા તરીકે ખોટી ઓળખ બનાવીને છેતરપિંડી કરવી આ કલમ હેઠળ ગુનો છે. સજા: 3 વર્ષ સુધીની જેલ અથવા દંડ, અથવા બંને.
કલમ 468 (દસ્તાવેજોમાં બનાવટ): જો બનાવટી દસ્તાવેજો (જેમ કે બીજેપીના લેટરહેડ અથવા ખોટા પત્રો)નો ઉપયોગ કરવામાં આવે, તો આ કલમ લાગુ પડે છે.
સજા: 7 વર્ષ સુધીની જેલ અને દંડ.
કલમ 506 (ગુનાહિત ધમકી): જો છેતરપિંડીમાં ધમકીઓ આપવામાં આવે, તો આ કલમ લાગુ થઈ શકે.
સજા: 2 વર્ષ સુધીની જેલ અથવા દંડ, અથવા બંને; જો ધમકી ગંભીર હોય તો 7 વર્ષ સુધીની જેલ.
ઇન્ફોર્મેશન ટેકનોલોજી એક્ટ (IT Act), 2000: કલમ 66D (ઓળખના ઢોંગ દ્વારા છેતરપિંડી): જો સોશિયલ મીડિયા અથવા ઓનલાઈન પ્લેટફોર્મ પર બીજેપીના નામનો દુરુપયોગ કરીને છેતરપિંડી કરવામાં આવે, તો આ કલમ લાગુ થાય છે.
સજા: 3 વર્ષ સુધીની જેલ અને ₹1 લાખ સુધીનો દંડ.
કલમ 74 (ખોટી માહિતીનું પ્રકાશન): ખોટી રજૂઆત અથવા બનાવટી ઓળખનો ઉપયોગ ઓનલાઈન થાય તો આ કલમ લાગુ પડે છે.
સજા: 2 વર્ષ સુધીની જેલ અથવા ₹1 લાખ સુધીનો દંડ, અથવા બંને.
વડોદરા કેસ (2021): એક બીજેપી કાર્યકર્તાની ધરપકડ કરવામાં આવી જેણે તેના સાળાને કેનેડાના વિઝા અને નોકરીના બહાને ₹5.6 લાખની છેતરપિંડી કરી. આ કેસમાં IPC કલમ 420 (છેતરપિંડી) અને બનાવટ હેઠળ કેસ નોંધાયો.
પક્ષની ફરિયાદ: બીજેપી પક્ષ પોતે આવા દુરુપયોગની ફરિયાદ કરી શકે છે, જેમ કે મુંબઈ કેસમાં બીજેપીના કાર્યકર્તા દ્વારા ફરિયાદ નોંધાઈ હતી.
સજા:છેતરપિંડી (BNS 318): 7 વર્ષ સુધીની જેલ અને/અથવા દંડ.
ઓળખના ઢોંગથી છેતરપિંડી (BNS 319): 3 વર્ષ સુધીની જેલ અને/અથવા દંડ.
સાયબર છેતરપિંડી (IT Act 66D): 3 વર્ષ સુધીની જેલ અને ₹1 લાખ સુધીનો દંડ.
બનાવટ (IPC 468): 7 વર્ષ સુધીની જેલ અને દંડ.
ધમકી (IPC 506): 2-7 વર્ષ સુધીની જેલ અને/અથવા દંડ, ગુનાની ગંભીરતા પર આધારિત.
તે ઉપરાંત જણાવી દઈએ કે, ભારતમાં ડિગ્રી વગર નકલી પત્રકાર બનીને ફરવું અને તેના આધારે લોકો સાથે છેતરપિંડી કરવી અથવા ખોટી ઓળખનો દુરુપયોગ કરવો એ ગેરકાયદેસર છે. આવા કૃત્યો ભારતીય દંડ સંહિતા (IPC) / ભારતીય ન્યાય સંહિતા (BNS), ઇન્ફોર્મેશન ટેકનોલોજી એક્ટ (IT Act), 2000 અને અન્ય સંબંધિત કાયદાઓ હેઠળ ગુનો ગણાય છે.
આ પણ વાંચો-લોનના નામે છેતરપિંડી કરતી ટોળકીના અનેક ગેરકાયદેસર કામ; નકલી ચેક, નકલી CID અધિકારી…
