પાલનપુર: બનાસકાંઠાના પાલનપુરમાં લોન આપવાના નામે છેતરપિંડી કરતી એક ગેંગ સક્રિય છે. આ ગેંગ પાલનપુર અને આસપાસના લોકો સાથે લોનના નામે મોટા પ્રમાણમાં છેતરપિંડી કરી રહી છે. સૌથી સરળ શિકાર તરીકે તેઓ ખેડૂતોને ટાર્ગેટ કરે છે. પશુ-પાલન કે ખેતીના સાધન ઉપર લોન સહિતની વિવિધ સબસિડીવાળી લોન અપાવવાનું કહીને તેઓ ખેડૂત પાસેથી પહેલા પૈસા પડાવતા હોય છે.
ખેરાલુ તાલુકાના એક ગામના ખેડૂત પણ તેમની છેતરપિંડીના ભોગ બન્યા છે. ભરત ચૌધરી નામના ખેડૂતનું ઠગ ટોળકી સાથે સંપર્ક થયો હતો. તે પછી ખેડૂતને 40 લાખ રૂપિયાની લોન આપાવવાનું કહીને તેમના સાથે છેતરપિંડી કરવાનું શરૂ કર્યું હતું. આ ઠગ ટોળકીએ ખેડૂતને જણાવવામાં આવ્યું કે, તમને 40 લાખ રૂપિયાની લોન અપાવીશું, તેમાં તમને 16 લાખ રૂપિયા સબસીડી મળી જશે. તેવું કહીને ખેડૂત પાસેથી 2 લાખ 65 હજાર રૂપિયા પડાવી લીધા છે.
આ દરમિયાન ઠગ ટોળકી દ્વારા ખેડૂત ભરત ભાઈ પાસેથી 6 કોરા ચેક પણ લીધા છે. જેમાં ત્રણ તેમની ધર્મપત્નીના નામના છે, તો ત્રણ ભરત ભાઈ ચોધરીના નામના કોરા ચેક લઈ લીધા છે.
ગેંગનું મોટું નેટવર્ક- કરોડો રૂપિયાની છેતરપિંડી
મળી રહેલી માહિતી અનુસાર, આ ગેંગનું નેટવર્ક ખુબ જ મોટું છે. કથિત રીતે મળી રહેલી માહિતી અનુસાર, આ ઠગ ટોળકીએ અત્યાર સુધીમાં અનેક લોકોને ટાર્ગેટ કરીને કરોડો રૂપિયાની છેતરપિંડી કરી છે. આ ગેંગ પાલનપુરમાં સમાયાંતરે પોતાની ઓફિસના ઠેકાણા પણ બદલતી રહે છે. તો પોતાની ઓફિસની મેઇન બ્રાન્ચ ગાંધીનગરમાં હોવાનું કહીને ભરમાવે છે. તો ઘણી વખત તો પોતાના ગ્રાહકને તેઓ ગાંધીનગર સુધી પણ બોલાવી લે છે.
સરકારી ઉદ્યોગ કેન્દ્રમાંથી મેળવી લે છે ડેટા
સૌથી ગંભીર બાબત તે છે કે, આ ગેંગ સરકારી ઉદ્યોગ કેન્દ્રમાં લોન લેવા માટે કરતાં આવેદકોના ડેટા ગમે તેમ કરીને મેળવી લે છે. તે પછી આવેદન કરનારાઓને તેમના તરફથી સબસીડીવાળી લોન કરાવવાની લાલચ આપીને તેમનો ખેલ શરૂ કરતાં હોય છે. વિશ્વસનિય સુત્રો પાસેથી મળેલી કથિત માહિતી અનુસાર, અત્યાર સુધી આ ગેંગે હજારો માણસો પાસેથી કરોડો રૂપિયા પડાવી લીધા છે.
આ ગેંગ પોતાના ગ્રાહક પાસેથી લોગિંન ફિથી લઈને લોન પાસ કરતા સાહેબને ખુશ રાખવા જેવી વિવિધ બાબતો દર્શાવીને પૈસા પડાવતા હોય છે. તેમાંય સબસીડીવાળી લોનમાં ખેડૂતોને વિવિધ બાબતોમાં ભરમાવીને લાખો રૂપિયા પડાવી લેતા હોય છે.
ગેંગ ખેડૂતના ખેતરમાં વિઝીટ પણ કરે છે
આ ગેંગ એકદમ પ્રોફેશનલી કામ કરે છે. તેઓ ખેડૂતના ખેતરની વિઝીટથી લઈને તમામ રીતના ડોક્યુમેન્ટ લેતી હોય છે. એકપણ ડોક્યુમેન્ટ ઓછું હોય તો મંગાવી લે છે. જો સિબિલ સ્કોર થોડો ખરાબ હોય તો તેના માટે તેઓ શેટિંગ કરી લેવાનું કહી છે અને તેના માટે પણ અલગથી ચાર્જ વસૂલતા હોય છે. આ ગેંગનો એક વ્યક્તિ ફાઈલ સાથે ખેડૂતના ખેતરની વિઝીટ કરે છે, ત્યાં જઈને ખેડૂત અને ખેતરના ફોટોગ્રાફ પણ લેવામાં આવે છે.
આમ ખેડૂતને સંપૂર્ણ વિશ્વાસ બેસી જાય તેવી પ્રક્રિયાને અનુસરવા માટે આવે છે. આ પ્રક્રિયાથી ખેડૂતને તેમ જ લાગે છે કે, તેઓ યોગ્ય બેંક પાસે લોન લેવા માટે ગયા છે. તેથી ખેડૂત ઝડપી લોન કરાવવા માટે ગેંગના ઝાંસામાં આવીને પૈસા પણ આપતો રહે છે.
પોલીસમાં સારી એવી ઓળખાણ
મળી રહેલી માહિતી અનુસાર, આ ગેંગ એટલી હોશિયાર છે કે તેણે પોલીસમાં પણ સારી એવી ઓળખાણ બનાવી રાખી છે. પાણી પહેલા પાળ બાંધીને તેઓ એકદમ બિન્દાસ રીતે ખેડૂત સહિત અન્ય સામાન્ય લોકોને લૂંટવાનું કામ જોર-શોરથી કરી રહ્યાં છે. જો કોઈ વ્યક્તિ પોલીસ સ્ટેશનમાં પણ ઠગ ટોળકી વિરૂદ્ધ ફરિયાદ કરવા જાય તો પોલીસ જ તેને ઉંધા-સીધા પ્રશ્ન મૂકીને મૂંઝવણમાં મૂકી દે છે. ભરત ભાઈ ચૌધરી પોતે પાલનપુરના પશ્ચિમ પોલીસ સ્ટેશનમાં પોતાની સાથે છેતરપિંડી થઈ હોવાની અરજી આપવા માટે ગયા હતા. પરંતુ પોલીસે તેમને જ અનેક પ્રશ્ન પૂછીને પરત ઘરે મોકલી દીધા હતા.
તો અન્ય એક માહિતી એવી પણ મળી રહી છે કે, ગેંગના કેટલાક લોકોના નજીકના ઓળખીતા પોલીસ બેડામાં ફરજ બજાવે છે. તેથી ક્યાંકને ક્યાંક તેઓ પોલીસની પકડથી દૂર રહેવામાં સફળતા મેળવી લે છે.
ભૂમિ ફાઈનાન્સના નામે છેતરપિંડી
આ ઠગ ટોળકી દ્વારા પાલનપુરમાં ભૂમિ ફાઈનાન્સના નામની ઓફિસ ખોલી રાખી છે. તેઓ અહીં બેસીને જ ખુલ્લેઆમ અને જગજાહેર રીતે લોકોને ચૂનો લગાવી રહ્યાં છે. આ ટોળકીમાં એક ધવલ કુમાર, વિજય બલવંત ભાઈ પરમાર, દિપેશ કુલીન લોઢિયા, કિરણ કુમાર રતુ ભાઈ પરમાર સહિતના લોકોની સંડોવણી રહે છે. વિજય નામના વ્યક્તિએ ફેસબુક ઉપર મુકેશ કુમારના નામની ફેક આઈડી પણ બનાવી રાખવાનું જાણવા મળ્યું છે.
તો આ તમામ લોકો પોતાના વોટ્સએપમાં નરેન્દ્ર મોદીથી લઈને બીજેપીના કમળનું ચિન્હનું પ્રોફાઈલ શેટ કરી રાખ્યું છે. ઉલ્લેખનિય છે કે, વર્તમાન સમયમાં બીજેપીના નામે મોટા પ્રમાણમાં ખોટા કામ થઈ રહ્યાં છે. તેવી જ રીતે આ ગેંગ પણ બીજેપી સાથે સંકળાયેલી હોવાનું કહીને તેમને જેના સાથે છેતરપિંડી કરી છે, તેમને ડરાવતી રહે છે.
ધવલ કુમારે પોતાની વોટ્સએપ આઈડી ઉપર બીજેપીના કમળનું નિશાન મૂક્યું છે. તો તેમના અન્ય મોબાઈલ નંબર ઉપર નરેન્દ્ર મોદીનો જ ફોટો મૂકી દેવામાં આવ્યો છે.
આમ છેતરપિંડી કરીને સરળ રીતે બચી જવામાં પણ ઠગ ટોળકી સત્તામાં બેસીલી સરકાર એવી બીજેપીનો ઉપયોગ કરી રહી છે, જે એક અલગ જ કાયદાનું ઉલ્લંઘન છે. છેતરપિંડી કરતીં ટોળકીમાં થોડી એવી પણ ડર નથી, કારણ કે તેઓ છેતરપિંડી કરીને લેવામાં આવતી રકમ પણ પોતાના બેંક એકાઉન્ટમાં લઈ રહ્યાં છે.
બનાસકાંઠાના કાલેડાનો વતની ધવલ ભાઈ પ્રવિણ ભાઈ પરમાર ઠગ ટોળકીનો મુખ્ય સુત્રધાર છે. તે લોન આપવાના નામે વિવિધ રીતે લોકો સાથે છેતરપિંડી કરી રહ્યાં છે. પોતાની ટોળકીના લોકો વિવિધ અધિકારી બનીને લોન લેનારાને ફોન કરીને અલગ-અલગ ફિ પેટે પૈસાની માંગણી કરે છે.
ખેડૂત પાસેથી ઠગ ટોળકી દ્વારા અલગ-અલગ ટ્રીક દ્વારા છેતરપિંડી કરીને લીધેલા પૈસા…
